Աղոթարան

Թագաւո՛ր հզօր, ապաւէ՛ն ծարաւելոց, Փրկի՛չ նեղելոց, որ վասն մեր խոնարհեցար ի Հայրական ծոցոյ եւ առեր մարմին ի Սրբոյ Կուսէն Մարիամայ, վասն մերոյ փրկութեան մատնեցար, ըմբռնեցար, չարչարեցար, խաչեցար, թաղեցար եւ յարեար ի մեռելոց եւ համբարձար փառօք առ Հայր, զարթո՛ զզօրութիւն Քո եւ ե՛կ ի կեցուցանել զգինս արեան Քոյ, Տէ՛ր, եւ մի՛ տար գերել սատանայի զՔո փրկեալս եւ մի՛ տար բնակութիւն չարին զտաճար անուանդ Քոյ Սրբոյ եւ մի՛ զլքեալս Քեզ մարմին եւ անդամ թողուլ ի կոխումն եւ ի կատականս չարին, այլ գթա՛ ի Քո արարածս արարչական սիրով:

Տէ՛ր, ողորմեա՛ մեզ, զի ի Խաչ Քո պարծելով պարծեցաք, եւ պահելով պահեսցէ զմեզ յերեւելի եւ յաներեւոյթ թշնամւոյն եւ լիցի պահապան ծառայիս Աստուծոյ. ամէն:

Չար իշխանքն հալածին,

Որք ընդ ծառայս Քո մարտնչին,

Երեւելով նշան Խաչին,

Աներեւոյթք կործանեսցին:

Մեկնաբանություններ